Գաղտնիության քաղաքականություն
Վերջին թարմացում՝ 30 հոկտեմբերի 2026 թ.
Ով ենք մենք
paintpro.am կայքում Ձեր անձնական տվյալները մշակում է «PaintPro» ՍՊԸ-ն (ՀՎՀՀ 08255215), Սայաթ-Նովա պող. 35, Երևան 0001, Հայաստան, info@paintpro.am, +374 11 203011։ Անձնական տվյալները մշակում ենք «Անձնական տվյալների պաշտպանության մասին» ՀՀ օրենքին համապատասխան։
Ինչ տվյալներ ենք հավաքում
- Կոնտակտային տվյալներ՝ անուն, հեռախոս, էլ. հասցե, առաքման հասցե։
- Պատվերի տվյալներ՝ ապրանքներ, գումարներ, վճարման կարգավիճակ։ Մենք չենք տեսնում և չենք պահում Ձեր քարտի ամբողջական համարը. վճարումները մշակում է վճարային ծառայություն մատուցողը։
- Հաղորդագրություններ, որոնք մեզ ուղարկում եք կապի ձևի, էլ. փոստի, WhatsApp-ի կամ Telegram-ի միջոցով։
- Տեխնիկական տվյալներ՝ IP հասցե, սարքի և բրաուզերի տվյալներ, դիտված էջեր, cookie ֆայլեր և նմանատիպ տեխնոլոգիաներ։
Ինչ նպատակով և ինչ հիմքով ենք օգտագործում
- պատվերը մշակելու, առաքելու և վերադարձները սպասարկելու համար՝ գնումը կատարելու համար անհրաժեշտ է,
- Ձեր հաղորդագրություններին պատասխանելու և պատվերի վերաբերյալ Ձեզ հետ կապվելու համար՝ Ձեր համաձայնությամբ, որը տալիս եք հաղորդագրություն ուղարկելիս կամ պատվեր կատարելիս,
- օրենքով սահմանված պարտականությունները, այդ թվում՝ հաշվապահական և հարկային, կատարելու համար,
- նորություններ և առաջարկներ ուղարկելու համար՝ միայն եթե բաժանորդագրվել եք. կարող եք ցանկացած պահի հրաժարվել յուրաքանչյուր նամակում առկա հղումով,
- կայքի աշխատանքն ու անվտանգությունն ապահովելու համար, իսկ միայն վերլուծական և մարքեթինգային cookie ֆայլերն ընդունելու դեպքում՝ այցելությունները և մեր գովազդի արդյունքները չափելու համար։
Ում ենք փոխանցում
Մենք անձնական տվյալներ չենք վաճառում։ Տվյալները փոխանցում ենք միայն անհրաժեշտության դեպքում՝
- Shopify-ին, որի հարթակում գործում են մեր խանութը, պատվերի ձևակերպումը, բաժանորդագրման ձևերը և մարքեթինգային նամակները,
- քարտային վճարումները մշակող բանկին և Idram-ին՝ առցանց վճարելիս,
- Ձեր պատվերն առաքող առաքիչներին,
- Google-ին (Google Analytics) և Meta-ին (Facebook pixel)՝ միայն եթե cookie-ների բաններում ընդունում եք վերլուծական և մարքեթինգային cookie ֆայլերը,
- WhatsApp-ին (Meta) և Telegram-ին, եթե որոշում եք կապվել մեզ հետ կայքի չատի կոճակներով. այդ դեպքում Ձեր հաղորդագրությունները մշակվում են նաև նրանց գաղտնիության քաղաքականությանը համապատասխան,
- մեր էջերում ներդրված գործիքների մատակարարներին՝ Instagram-ի լրահոս (Meta), գունային էջերի վիզուալիզատորներ (Roomvo, Color Guild) և չատի վիջեթի մատակարար (Common Ninja). էջը բեռնվելիս նրանք կարող են ստանալ տեխնիկական տվյալներ, օրինակ՝ Ձեր IP հասցեն,
- պետական մարմիններին՝ օրենքով պահանջվելու դեպքում։
Տվյալների փոխանցում Հայաստանից դուրս
Մեր խանութի տվյալները Shopify-ը պահում է Ամերիկայի Միացյալ Նահանգներում։ Google-ը, Meta-ն և վերը նշված մյուս մատակարարները նույնպես կարող են տվյալները մշակել Հայաստանից դուրս։ Տվյալները նրանց փոխանցում ենք, քանի որ դա անհրաժեշտ է խանութի աշխատանքի և Ձեր պատվերի կատարման համար։ Պատվեր կատարելով, հաղորդագրություն ուղարկելով կամ բաժանորդագրվելով՝ Դուք համաձայնում եք այդ փոխանցմանը։
Cookie ֆայլեր
Կայքն օգտագործում է զամբյուղի և պատվերի ձևակերպման համար անհրաժեշտ cookie ֆայլեր։ Վերլուծական և մարքեթինգային cookie ֆայլերն օգտագործվում են միայն այն դեպքում, եթե դրանք ընդունում եք cookie-ների բաններում։ Ձեր ընտրությունը կարող եք ցանկացած պահի փոխել յուրաքանչյուր էջի ներքևում գտնվող «Cookie-ի նախապատվություններ» հղումով կամ բրաուզերի կարգավորումներում։ Մանրամասներ՝ Shopify-ի cookie քաղաքականություն։
Որքան ժամանակ ենք պահում
- Պատվերներ և հաշվապահական փաստաթղթեր՝ 5 տարի, ինչպես պահանջում են «Հաշվապահական հաշվառման մասին» ՀՀ օրենքը և ՀՀ հարկային օրենսգիրքը։
- Հաղորդագրություններ և հարցումներ՝ մինչև 2 տարի Ձեզ հետ վերջին կապից հետո։
- Բաժանորդագրություն՝ մինչև հրաժարվելը։
Երեխաներ
Մեր խանութը նախատեսված չէ երեխաների համար, և մենք գիտակցաբար չենք հավաքում նրանց անձնական տվյալները։ Եթե կարծում եք, որ երեխան մեզ տրամադրել է անձնական տվյալներ, կապվեք մեզ հետ, և մենք կջնջենք դրանք։
Ձեր իրավունքները
Կարող եք պահանջել տեղեկություններ Ձեր տվյալների մասին, ուղղել կամ ջնջել դրանք կամ դադարեցնել դրանց մշակումը, ինչպես նաև ցանկացած պահի հետ վերցնել Ձեր համաձայնությունը։ Գրեք info@paintpro.am հասցեով։ Ձեր տվյալների մասին տեղեկությունները տրամադրում ենք անվճար՝ հարցումը ստանալուց հետո 5 օրվա ընթացքում, իսկ տվյալներն ուղղում կամ ջնջում ենք օրենքով սահմանված ժամկետներում։
Կարող եք նաև բողոք ներկայացնել ՀՀ արդարադատության նախարարության անձնական տվյալների պաշտպանության գործակալություն՝ Կոմիտասի պող. 54բ, Երևան 0051, pdpa.am։
Փոփոխություններ
Կարող ենք թարմացնել այս քաղաքականությունը։ Վերևում նշված ամսաթիվը ցույց է տալիս վերջին փոփոխության օրը։